Policia e Tiranës ka vënë në pranga 2 të rinj pasi akuzohen se shpërndanin drogë tek Fakulteti i Inxhinierisë së Ndërtimit.
Sipas të dhënave zyrtare janë arrestuar shtetasit: Mariglen A. dhe Françesko Q. Dy të rinjtë janë arrestuar mbrëmjen e djeshme pasi janë kapur me një sasi të konsiderueshme lënde narkotike pranë ambienteve të fakultetit të Inxhinierisë së Ndërtimit.
Burime nga policia e Tiranës kanë bërë të ditur se arrestimi i tyre është bërë rreth orës 16:15, pranë Inxhinierisë Ndërtimit.
Sipas policisë, nga kontrollit fizik dhe në banesën e Mariglenit, janë gjetur dhe sekuestruar në cilësinë e provës materiale 13 gram lëndë narkotike e llojit heroinë, 12 gram lëndë narkotike kanabis sativa, 0.6 gram kokainë dhe 13 tableta metadon.
Gjithashtu janë sekuestruar edhe makina tip “Renault” me targë TR 7950 N dhe 5 celularë që kishin dy të rinjtë.
