Policia e Sarandës ka vënë në pranga një 46-vjeçar që akuzohet se ka dhunuar nënën e tij, ndërkohë që ka rezultuar i dënuar në Greqi për trafik droge.
Sipas të dhënave zyrtare, Policia e Dibrës ka vënë në pranga 46-vjeçarin Artan Bahoja, banues në Delvinë i cili dyshohet se ka ushtruar dhunë fizike ndaj nënës së tij, shtetases B.B., 63 vjeçe, duke i shkaktuar fraktura në trup.
Dyshohet se dhuna fizike e ushtruar ndaj të dëmtuarës (nënës), ka qenë e përsëritur disa herë më parë.
Gjithashtu, policia bën me dije se Artan Bahoja, ka qenë dënuar në shtetin Grek me 20 vite burg, për veprën penale “Trafikim të lëndëve narkotike”.
Materialet iu dërguan Prokurorisë në ngarkim të këtij shtetasi, për veprën penale “Dhunë në familje”.
