Gjykata e Beratit ka caktuar urdhër mbrojtjeje ndaj një 55-vjeçari nga Kuçova, pas denoncimit që ai ka bërë në komisariatin e qytetit, duke akuzuar ish-bashkëshorten e tij se e ka dhunuar.
Sipas burimeve zyrtare, M.K është paraqitur mbrëmjen e djeshme në komisariatin e qytetit dhe ka thënë se ish bashkëshortja, me të cilën jeton ende në një banesë në lagjen “1 Maji”, e ka dhunuar fizikisht dhe psikologjikisht, bëjnë me dije burime nga policia për Syri.net.
Ai ka thënë se ka pasur një zënkë me ish gruan dhe ajo “e ka rrahur”. Pas denoncimit, u plotësua kërkesë-padia për lëshimit e urdhrit të mbrojtjes së menjëhershëm për M.K., njoftojnë burime zyrtare nga policia.
55-vjeçari dhe ish bashkëshortja e tij A.D, 45-vjeç, janë divorcuar, por edhe pas divorcit jetojnë ende në një banesë. Mësohet se gjatë natës, 45-vjeçarja fle në banesën e një fqinje. Materialet për këtë rast i kaluan Gjykatës së Rrethit Gjyqësor Berat.
