Kostoja e programit të avionit luftarak bombardues F-35, programi më i madh ushtarak në historinë e SHBA-së është jashtë çdo parashikimi, pohoi sot presidenti i sapozgjedhur Donald Trump në Twitter.
“Programi F-35 dhe kostoja e tij është jashtë kontrollit. Miliarda dollarë mund të kursehen për blerjet ushtarake dhe të tjera pas 20 janarit”, premtoi Trump, ndërsa kostot e F-35 janë devijuar ndjeshëm prej vlerësimeve në momentin e shpalosjes së programit.
F-35 është një avion bombardues mjaft i fshehtë (që i shpëton kryesisht interceptimit nga radarët kundërshtarë) të gjeneratës së 5-të që do të pajisë gjithashtu ushtrinë e forcave ajrore amerikane.
Avioni nisi procesin e dislokimit në kohën kur ishte ende në fazë testimi duke shfaqur probleme të shumta teknike, në planin kohor dhe në atë të zbatimit.
