Vijojnë operacionet e policisë për arrestimin e tranportuesve të lëndëve narkotike. Në prangat e policisë së Dibrës ka rënë një 45-vjeçar.Autoritetet kishin marrë informacion se një automjet po transportonte lëndë narkotike me qëllim trafikimi.
Kështu automjeti tip “Mercedez Benz”, me targa AA 177 OG, që drejtohej nga Arjan Çela u ndalua rreth orës 23:30, në aksin rrugor Maqellarë –Peshkopi. Pas kontrollit të automjetit u gjetën 5 kg kanabis, në sediljen e pasme. Arjan Çela, 45 vjeç, tani akuzohet për prodhim dhe shitje të narkotikëve.
