Pas largimit të ministrit të Brendshëm, Saimir Tahiri, nga komisioni hetimor për pajisjen e përgjimit IMSI Catcher edhe Drejtori i Përgjithshëm i Policisë së Shtetit, Haki Çako ka refuzuar t’u përgjigjet pyetjeve.
Drejtori policisë e ka justifikuar me faktin se çështja është nën hetim dhe ai s’mund të shkelte ligjin. Ai u është referuar disa neneve të kodit të procedurës penale, por kryetari i komisionit i kujtoi se ai s’ka asnjë arsye për t’iu referuar ndonjë ligji për t’iu përgjigjur një pyetje të thjeshtë, si ajo nëse ai është apo jo në dijeni që në Shqipëri ka hyrë një pajisje përgjimi e quajtur IMSI Catcher.
Noka: Z. Çako, nuk kemi nevojë për referenca ligjore për këtë, por shkurt dhe qartë: a keni dijeni per futjen e nje pajisjeje te tille ne Shqiperi? Po ose Jo.
Ndreu: Z. Noka, ju lutem lereni te pergjigjet si deshiron, mos nderhyni.
Noka: Nuk keni nevoje per referenca ligjore, por per shqetesimin tone: a keni dijeni per hyrjen e kesaj pajisjeje ne Shqiperi apo nuk keni dijeni?
Çako: Nuk kam ndermend te kontestoj apo anatemoj asnje komision, por te pergjigjem deri ne fund dhe pergjigja ime nuk mund te imponohet. Nese duroni qe ta mbaroj deri ne fund…kjo eshte e drejta juaj pastaj.
Noka: Nuk ka nevoje t’i pergjgijeni neneve te Kushtetutes, po a ke ne dijeni ne ka hyre apo jo. Nuk ka nevoje.
Çako: Për çdo gjë që pyesni referouhuni prokurorisë
