Seanca e komisionit hetimor për pajisjen e përgjimit IMSI Catcher është përfshirë nga debatet. Pas largimit të ministrit të Brendshëm Tahiri nga mbledhja e komisionit hetimor për pajisjen e përgjimit, kreu i komisionit, deputeti demokrat Flamur Noka i kërkoi ministrit të sqaronte qytetarëve se pse nuk e takoi shefi i CIA-s, John Brennan i cili vizitoi Shqipërinë pak ditë më parë.
Noka: Suksese në jetë zotëri. Shpjegoju qytetarëve se pse shefi i CIA-s nuk ju takoi. Shpjegoju një çikë me gjithë kërkesat e herëpashershme për ta takuar.
Na erdhi në komision jo më si krenarist por si pulë e lagur. Nuk iu përgjigj pyetjeve. Kjo nuk do të thotë se komisioni do të impresionohet që ministri i Brendshëm braktis mbledhjet e komisionit.
