Hulumtuesit e Nasa-së kanë bashkuar forcat me Stephen Hawking për të ndërtuar një nano-anije që mund të udhëtojë me një të pestën e shpejtësisë së dritës.
Nëse arrihet të krijohet me sukses, anija, e quajtur “StarChip”, do të mund të arrinte në sistemin më të afërt yjor, Alpha Centauri, në 20 vite.
Stephen Hawking kishte paralajmëruar për këtë projekt në prill, të cilit i është bashkuar edhe një ekip nga Instituti i Shkencës dhe Teknologjisë së Koresë.
Por, ajo çfarë mbetet pikëpyetje është nëse anija mund t’i mbijetojë udhëtimit të gjatë prej 2 dekadash, transmeton Gazeta Express.
Dhe këtu Nasa mund të ndihmojë. Sipas hulumtuesve të saj, rrezatimi i lartë në hapësirë do të mund të ndërpriste funksionimin e anijes, para se ajo të përfundonte udhëtimin prej 20 vitesh, thuhet sipas Science Alert.
Nasa propozoi një numër opsionesh për të çuar më tutje fazat e ndërtimit të këtij projekti. Ata prezantuan gjetjet e tyre në një takim ndërkombëtar në San Francisko këtë javë.
