Një person është gjetur i vdekur mëngjesin e sotëm në Këlcyrë.
Mësohet se ngjarja ka ndodhur në fshatin Mbrezhdan të Këlcyrës në Përmet dhe sipas informacioneve të para ai është gjetur nga banorë të zonës.
Viktima është gjetur i pajetë brenda në një stalle bagëtish te vendi i quajtur Fusha e Grabovës dhe sipas dyshimeve të para besohet se ai mund të jetë vrarë.
Banorët e zonës bëjnë me dije se viktima është Moisi Karaj dhe kishte pak kohë që ishte kthyher nga Greqia ku ishte si emigrant.
Në fakt, familja e tij jeton ende në Greqi, ndërsa vetëm Karaj ishte kthyer në Këlcyrë. Ende nuk dihen motivet e këtij krimi dhe autorët.
