Policia italiane ka arrestuar një të ri shqiptar, pasi iu kap me kokainë në çant.
Shqiptari po ecte si turist mes njerëzve të shumtë dhe për banorët nuk kishte asgjë të pazakontë. Por mediat italiane raportojnë se shqiptari, identiteti i të cilit nuk bëhet i ditur është kapur në nënkalimin e stacionit të Mestre, ndërsa drogën e kishte fshehur në një qese letre.
Ka qenë qeni i antidrogës ai që ka pikasur lëndën narkotike. Atij iu gjetën 523 gram kokainë, vlera e të cilës në tregun me pakicë është rreth 70 mijë euro. Sakaq, kokaina mësohet se ishte ndarë në 5 qese të vogla.
