Specialistët për Hetimin e Krimit Ekonomik e Financiar në Drejtorinë Vendore të Policisë Dibër, në vijim të punës për goditjen e informalitetit dhe paligjshmërisë, kanë marrë disa masa për parandalimin dhe goditjen e krimit Ekonomik e Financiar .
Në këtë kuadër u referuan materialet hetimore në Prokurorinë e Rrethit Gjyqësor Dibër, për L.K , 66 vjeçe , banuese në Burrel, pasi ka falsifikuar dokumentet zyrtare dhe ka mashtruar në Sigurimet Shoqërore, duke përfituar padrejtësisht pension për rreth 5 vjet.
Në vijim të veprimeve hetimore, në lidhje me këtë vepër penale të kryer nga L.K, u referuan materialet hetimore në Prokurori, për H.K. 49 vjeçe banuese në Tiranë, me detyrë, Inspektore në D.R.S.Sh. Dibër, sepse nuk ka bërë verifikimin e të dhënave .
Gjithashtu në vijim të veprimeve u referuan materialet hetimore në Prokurorinë e Rrethit Gjyqësor Dibër, për N.P , 66 vjeçe , banuese në Burrel, pasi ka falsifikuar dokumentet zyrtare dhe ka mashtruar në Sigurimet Shoqërore, duke përfituar padrejtësisht pension për rreth 4 vjet.
Si dhe në lidhje më këtë vepër penale të kryer nga N.P, u referuan materialet hetimore në Prokurori për F.S , 57 vjeçe, banuese në Tiranë, me detyrë inspektore në D.R.S.Sh. Dibër, pasi nuk ka bere verifikimin e të dhënave.
