Banorët në Republikën e Khakassia në jugperëndim të Siberisë, ishin dëshmitarë të shpërthimit të një topi gjigand të zjarrtë në qiell që ndodhi, e për pak sekonda e shndërroi natën në ditë. Madje disa prej tyre kanë arritur të filmojnë këtë moment të pazakontë.
“Fillimisht nuk e dija se çfarë po ndodhte. Papritmas qielli u shndrit, ishte thjesht një dritë e madhe”, ka deklaruar dëshmitarja Olga Sagalakova, raporton Telegrafi.
“Mbi male pamë që po fluturonte një meteor gjigant. Kishte një bisht, thjesht ishte i frikshëm, sepse menduam që mund të jetë një bombë”, ka shtuar ajo.
Raportohet se meteori ka shpërthyer në atmosferë. Nëse ndonjë fragment i meteorit ka ‘mbijetuar’, atëherë destinacioni më i mundshëm ku ka rënë raportohet se është lugina Valley, zonë drejt së cilës është nisur një ekspeditë.
