Më shumë se gjysma e Laprakës është pa energji elektrike si pasojë e një defekti të shkaktuar nga një firmë private.
Burime thanë se dy ditë më parë firma privat, “CoGet”, e cila punon për Kooperacionin Italian në sistemin e ujësjellësit, dëmtoi linjat e energjisë, duke lënë për mbi 3 orë banorët pa energji elektrike.
Po sot, e njëjta firmë, dy metra më tutje mësohet se ka dëmtuar sërish, në dy pika të ndryshme, linjën e tensionit të mesëm dhe linjën e tensionit të ulët, duke lënë 3500 abonentë pa energji elektrike në zonën e Laprakës.
Vetëm në pesë ditët e para të muajit dhjetor 2016, janë shkaktuar 6 dëmtime të linjave të energjisë nga firmat private, ndërsa në nëntor në qytetin e Tiranës janë bërë 15 dëmtime.
OSHEE bën të ditur se ka bërë denoncimet, në prokurori.
Ka kompani të janë denoncuar 2-3 herë rresht, si “Salillari” apo “Albavia”, që kanë punuar për Unazën e Madhe ose të Kodra e Diellit, zona këto që janë kthyer në problem abonentët e saj, për shkak të dëmtimeve të shumta, duke lënë banorët për orë të tëra pa energji elektrike.
