Pas një kërcënimi përmes telefonit FBI dhe policia e Los Angelesit ka shtuar masat e sigurisë në stacionin e metrosë, “Universal City”.
Autoritetet nuk kanë qenë në gjendje të konfirmojnë besueshmërinë e kërcënimit, por ata kanë thënë se nuk do t’ia lënë këtë çështje rastësisë.
Telefonuesi ka qenë shumë “konkret” duke iu thënë autoriteteve se ky stacion metroje është caku i sulmit, njofton policia amerikane.
Ndonëse kërcënime të tilla rregullisht rriten gjatë festave, autoritetet i kanë thënë publikut për këtë kërcënim pasi telefonuesi ka thënë se sulmi do të ndodhë më 6 dhjetor.
Vija e kuqe e stacionit të metrosë “Universal City” është në afërsi të një shëtitoreje ku gjenden restaurante, klube nate dhe ku mund të kryhen aktivitete të shumta argëtimi. Zona është zakonisht e mbushur me turistë. “Universal Studio” në Hollywood dhe disa hotele të shtrenjta gjithashtu gjenden afër.