Pas humbjes dhe deklarimit të dorëheqjes nga Matteo Renzi, i cili nuk kishte mbushur as 1,000 ditë që nga mbërritja në ‘Palazzo Chigi’, dalin në dritë edhe tre skenarët më të mundshëm të asaj që mund të ndodhë në politikën italiane.
Hipotezat e mundshme në realitet nuk janë shumë, duke qenë se i ashtuquajtur “Kampi JO” nuk ka unitet as sa i përket ligjit elektoral, as prespektivës së vendit.
1.Renzi qëndron në pushtet ( Renzi BIS)
Është një skenar që vështirë se mund t’i paraqitet kryeministrit të dorëhequr, pasi do të duhej që të grumbullonte një shumicë absolute parlamentare për ligjin elektoral.
Teorikisht Matteo Renzi mund të fitojë votëbesimin në parlament, si me shumicën e tij aktuale apo me një shumicë të re që përfshin partinë e qendrës së djathtë të Berlusconit.
Megjithatë, gjatë konferencës për shtyp, Renzi e përjashtoi këtë mundësi: “Eksperienca e qeverisë sime përfundon këtu.”
Fitorja e thellë e kampit të “JO-së” e bën rikthimin e Renzi-t një mundësi të largët.
Ndërsa gjithashtu ka zëra nga Europa, të cilët shpresojnë se renzi do të qëndrojë për të garantuyar vazhdimësinë politike të paktën deri në fund të mandatit.
2.Qeveri teknike
Është skenari më i mundshëm. Presidenti Sergio Mattarella mund të emërojë kreun e qeverisë në mbështetje të shumicës aktuale apo një shumice të re më të gjerë.
Një numër emrash janë tashmë në qarkullim, përfshirë dhe Ministrin e Financave Carlo Padoan dhe kreun e Senatit Pietro Grasso.
Ai apo ajo, gjithashtu do të vazhdojë deri në fund të mandatit të parlamentit aktual në shkurt të 2018.
3. Zgjedhjet e parakohshme
Edhe kjo është një mundësi që ka pak gjasa që të ndodhë. Reforma më e fundit elektorale është hartuar që partia udhëheqëse të ketë shumicën parlamentare në Dhomën e Deputetëve, ndërsa dështimi në reformën kushtetuese të Senatit do të thotë që ende do të vazhdojë sistemi proporcional, duke bërë të dy dhomat e papajtueshme dhe shumicën parlamentare thuajse të pamundur.
Lëvizja populiste e Pesë Yjeve, themeluesi dhe lideri së cilës, Beppe Grillo, ka kërkuar për zgjedhje të reja “brenda një jave”, beson se ligji elektoral mund të ndryshohet në Senat nëse është e nevojshme.
Por, shumica e partive të tjera, të cilat kanë shumicën në parlament, nuk pajtohen pikërisht për të shmangur ardhjen në pushtet të partive populiste.
Mario Telò, docent i universitetit Luiss di Roma, thotë se kjo do t’i ngjante skenarit ‘ëeimerian 32-33’ në Gjermani, në vigjilje të fiores së Hitlerit. Sipas tij kjo od të thotë humbje e besimit ndaj Italisë e investitorëve të mëdhenj e të tregjeve ku ky vend është prezent. Pra, janë pasoja, thotë Telò, që shkojnë përtej atij kombëtar, duke qesë një nga vendet që ka themeluar Bashkimin Europian. Monitor
