Policia Italiane ka arrestuar një shtetas shqiptar, i cili lëvizte me 7 kg lëndë narkotike e llojit marijuanë. 40-vjeçari identiteti i të cilit nuk bëhet i ditur ishte me banim prej vitesh në zonën e Livornos në Itali, dhe është vënë në pranga menjëherë pasi është kapur me drogë.
Sipas mediave të shtetit fqinj, Shqiptari ishte furnizuar me drogë në Milano, por udhëtimi i tij u ndal pasditen e ditës së dielë në Viareggio, kur policia i gjeti në automjet sasinë e lëndës narkotike.
Teksa ishte nën drejtimin e veturës së tij “Audi A4”, duke përshkruar autostradën A12, ai u ndalua nga policia. 40-vjecari (identiteti i të cilit nuk bëhet i ditur) u shfaq i sikletosur përballë agjentëve dhe kjo sjellje e tij rezultoi fatale, raportojnë mediat lokale.
Droga u zbulua në kofanon e makinës, dhe vlerësohet se pasi të shitej, do të gjeneronte më shumë se 80.000 euro.