Ambasadori amerikan, Donald Lu mbrojti kolegen e tij të Bashkimit Europian, Romana Vlahutin përsa i përket reformës në drejtësi dhe përkthimit të ligjit të Vettingut, që i është dërguar për opinion Komisionit të Venecias nga Gj.Kushtetuese.
Lu i quajti gënjeshtra ato që thuhen për homologen e tij të BE-së dhe misionin EURALIUS. “Disa persona janë të frikësuar për shkak të ligjit të vetingut. Ata po sajojnë histori për ambasdoren e BE. Siç e tha edhe kreu i Kushtetueses gabimet në përkthim nuk ishin thelbësore. Të gjithë partitë politike i kanë kthyer sytë nga Komisioni i Venecias. Le të presim rekomandimet e tij për këtë ligj”, tha Lu.
Këto deklarata u bënë gjatë një simpoziumi organizuar nga Ambasada Amerikane dhe misioni i saj OPDAT në kuadër të luftës kundër korrupsionit ku ishte i pranishëm edhe Kryeministri Rama. Ky i fundit tha se nuk ia kam frikën Venecias, po gjykatës Kushtetuese.
