Sot më datë 04.12.2016, Specialistët e Komisariatit të Policisë Nr 6, kanë bërë të mundur arrestimin e një shtetasi në kërkim, si dhe të një tjetri me lëndë natkotike.
Të arrestuar janë:
• Xhuljano Meta, 21 vjeç, banues në Durrës, i shpallur në kërkim nga Gjykata e rrethit Gjyqësor Durrës, e ka denuar me 1 vit burgim për veprën penale “Kalim i paligjshëm i kufirit”, parashikuar nga Neni 297 i Kodit Penal. Gjithashtu ky shtetas është i dyshuar për veprën penale “Plagosje e rëndë”, për llogari të Drejtorisë Vendore të Policisë Durrës.
• Vilson Senija, 24 vjeç, banues në Tiranë. Arrestimi i Vilson Senija, është kryer pasi ka qënë sëbashku me Xhuljano Meton, dhe gjatë kontrollit fizik të ushtruar i është gjetur dhe sekuestruar në cilësinë e provës materiale dy doza me lëndë të dyshuar narkotike të llojt “Heroinë”.
Materialet proceduriale i’u kaluan Prokurorisë pranë Gjykatës së shkallës së parë Tiranë, për veprën penale “Prodhim dhe shitje të lëndëve narkotike”, parashikuar nga Neni 283 i Kodit Penal, në ngarkim të shtetasit Vilson Senija. Shtetasi Xhuljano Meta, i’u dorzua Drejtorisë Vendore të Policisë Durrës, për veprime të mëtejshme.
