Tre ish-punonjës të TEC-it të Fierit janë arrestuar nga policia e këtij qyteti, pasi akuzohen për korrupsion. Siç bëhet e dituar nga uniformat blu të Fierit në pranga janë vënë, Flamur Fejzulla, 49 vjeç, banues në fshatin Peshtan, Fier, ish-përgjegjës i TECIT Fier. Artem Rusto, 43 vjeç, banues në fshatin Zharëz, Fier, ish-magazinier pranë TEC Fier si dhe Qemal Vrenozi, 41 vjeç, banues në lagjen “Kongresi i Përmetit” Fier, ish-Drejtor pranë TEC Fier.
Po ashtu në lidhje më këtë ngjarja janë shpalluar në kërkim edhe 2 të tjerë, përkatësisht, .P.P, 53 vjeç, banues në Tiranë, Ish-Shef i Financës pranë TEC Fier si dhe T.B, 65 vjeç, banues në Tiranë, administrator në një firme private.
Mësohet se personat e mësipërm, në bashkëpunimi me njëri-tjetrin gjatë periudhës së viteve 2012-2013 që kanë qenë në detyrë, i kanë shkaktuar shtetit një dëm prej 209 milion lekë si rezultat i ankandeve publike të kryera në atë periudhë ku kanë favorizuar firmën e T.B.
Për ta, Gjykata e Rrethit Gjyqësor Fier ka caktuar masën e sigurisë “Arrest në burg”, ndërsa për Qemal Vrenozi masën e sigurisë “Arrest shtëpie”.
