Lideri i VMRO-DPMNE, Nikolla Gruevski vazhdon të bëj fushat në Maqedoni kundër shqiptarëve. Ish-kryeministri i cili po kërkon një mandate tjetër nga zgjedhësit ishte mbrëmë në Manastiri dhe kërkoi 63 deputetë, që ti rezistojë presioneve nga partitë shqiptare.
“Më 11 dhjetor çdokush që dëshiron të përfundojë kjo krizë dhe dëshiron qeveri stabel, duhet të dalë dhe ti japë mbështetje koalicionit tonë me fitoren e 63 deputetëve.
Ka edhe një arsye tjetër, dhe kjo është se BDI thotë se nëse VMRO nuk ka deputetët e mjaftueshëm, atëherë për tu krijuar qeveria kusht do të jetë që propozimi për kryeministër të jetë nga BDI dhe PDSH.
Andaj shumë nuk duan që VMRO të fitojë 63 deputetë, por megjithatë është e nevojshme votimi masiv për fitoren e VMRO-DPMNE”, theksoi Gruevski.
