Ashtu si zakonisht, derbi mes Tiranës dhe Partizanit shoqërohet me tension mes tifozerive përkatëse. Thumbimet e zakonshme mes palëve, shpesh janë kthyer edhe në përplasje të mirëfillta të dhunshme.
Një e tillë ka ndodhur sot rreth orës 15:00 në Rrugën e Kavajës në kryeqytet, ku mbështetës të Tiranës dhe ato të Partizanit, të cilët po i drejtoheshin vendgrumbullimeve përkatëse për të filluar marshimin drejt stadiumit, janë konfliktuar, raporton Panorama Sport.
Ndërhyrja e menjëhershme e forcave të rendit ka evituar përshkallëzimin e situatës dhe sipas policisë, gjithçka është mbyllur pa të dëmtuar. Polica e kryeqytetit ka marrë masa shumë të rrepta, ku përveç pranisë në gatishmëri të 700 policëve, u bëri të qartë të dy tifozerive se ka filluar skedimin e tyre dhe në të ardhmen, personave problematikë do u ndalonte hyrjen në stadium.
