Në aktivitetin “Modernizimi i Administratës Publike”, kreu i qeverisë Edi Rama u shpreh se konkursi për të hyrë në administratën publike nuk është i lehtë dhe se duhet vullnet për t’u ndarë nga e kaluara.
Rama hodhi akuza se administrat deri dje është përdorur nga ushtarët e partive. Kreu i qeverisë foli dhe për rritjen e pagave, ku sipas tij, është ky momenti për të ndarë frytet e para të reformave.
Sipas tij paga minimale nga 220 mijë lekë shkon në 375 mijë lekë, ndërsa s’do të ketë rritje për ministrat dhe as për atë vetë.
“Është momenti për të ndarë frutet e para të reformave. Rritja e pagave nuk është rritje e zakonshme, po është shpërblim për mbështetjen që i keni dhënë reformave. Do spostojmë 100 milionë Dollarë për të rritur paga dhe pensione. Në 8 vjet qeveria e kaluar bëri rritje me 124 milionë Dollarë. Ne në një vit 100 milionë Dollarë. Kemi pagën më të ulët në shtet 220 mijë Lekë të vjetra, e çojmë 375 mijë Lekë të vjetra. Nuk është mjaft, por është shumë më tepër”, tha Rama.
