Edhe pse vende të ndryshme do të ulin flamurin në gjymë shtiz për vdekjen e liderit kuban Fidel Castro, motra e diktatorit, Juanita Kastro, ka deklaruar se nuk do të marrë pjesë në varrimin e të vëllait të saj.
Castro vdiq të premten në moshën 90 vjeçare, por një nga njerëzit më të afër të ish-diktatorit të ndjerë nuk do të marrë pjesë në varrim.
Juanit ka jetuar në Miami të Shteteve të Bashkuara që prej vitit 1965, pasi akuzoi të vëllain se e kishte kthyer Kubën në një “burg të madh të rrethuar nga uji”.
Të shtunën, ajo deklaroi se dhimbja e vdekjes së vëllait të saj solli plagë të vjetra në sipërfaqe. Ajo tha se nuk kishte ndërmend të merrte pjesë në funeral dhe se nuk kishte plane për të shkuar në Kubë. Juanita Kastro tha se gjatë këtyre viteve kishte luftuar me mërgimtarët e tjerë kubanezë kundër regjimit dhe se “respektonte ndjenjat e tyre”.