Ky është Amarildo Ndoj, personi i cili hapi zjarr ndaj forcave blu të cilat ishin nisur për arrestimin e tij. Pasi është lokalizuar vendndodhja e 25-vjeçarit Ndoj në vendin e quajtur Kodër – Rrëshen, policia ka organizuar operacionin për kapjen e tij.
Por, në momentin e afrimit të punonjësve të policisë , Amarildo Ndoj, ka kanosur me armë zjarri pistoletë punonjësit e policisë duke qëlluar në ajër si dhe ka arritur të largohet duke përfituar nga errësira dhe terreni malor.
Në vendngjarje u gjet dhe sekuestrua një armë zjarri pistoletë e cila dyshohet se është përdorur nga autori si dhe një gëzhojë.