Një hetim i bërë nga tatimet i ka kushtuar vendin e punës kreut të Hipotekës së Ballshit, pasi akuzohet për transaksione të dyshimta parash.
Lajmi është bërë i ditur nga burime zyrtare të Ministrisë së Drejtësisë, të cilat thanë se vendimi është marrë nga kreu i ministrisë, Ylli Manjani.
“Pas një informacioni të përcjellë nga ana e Drejtorisë e Përgjithshme e Tatimeve mbi një procedurë regjistrimi të paligjshme, nga ana e Zyrës Qendrore të Pasurive të Paluajtshme janë kryer verifikimet paraprake dhe pas tyre nga ana e Kryeregjistrusesit është konkluduar mbi një transaksion të dyshimtë.
Në kushte të tilla Ministri i Drejtësisë, z. Ylli Manjani ka udhëruar pezullimin dhe nisjen e procedurave për shkarkim të drejtuesit të Zyrës Vendore të Pasurive të Paluajtshme Ballsh, Besmir Selami dhe juristit Erlin Xhafaj.
Ndërkohë Ministri Manjani ka urdhëruar vijimin e një inspektimi të thelluar administrativ të çështjes dhe referimit të saj prokurorisë”, thuhet në deklaratën e Ministrisë së Drejtësisë.
