Si pasojë e një shpërthimi në jug të Baghdadit, 80 persona kanë humbur jetën, ndërkohë që dhjetëra të tjerë kanë mbetur të plagosur.
Autoritetet Irakiane janë shprehur se shumica e viktimave janë besimtarë myslimanë shi’ite.
Sulmi është marrë menjëherë përsipër nga ekstremistët e Shtetit Islamik, të cilët pretendojnë gjithashtu se numri i viktimave është më i lartë, duke nënvizuar se bëhet fjalë për afro 200 viktima.
Besimtarët myslimanë të degës shi’ite janë sulmuar vazhdimisht në Irak nga luftëtarët e ISIS për shkak se kjo organizatë terroriste mbështet degën sunite.
Në vendin e ngjarjes mbëritën menjëherë forca të shumta sigurie si dhe autoambulanca për të shoqëruar të mbijetuarit në spital. Ndërsa mjekët nuk përjashtojnë përkeqësimin e mëtejshëm të bilancit të viktimave.