Njç ngjarje e rëndë ndodhi mëngjesin e sotëm në Babrru ku vdiq një vajzë 2 -vjeç si pasojë e djegies nga flakët që përfshinë banesën. Paraprakisht ,shkak mendohet të ketë qenë bombola e gazit. Familja në të cilën ra zjarri jetonte në një barake.
Drita Lami, gjyshja e fëmijëve tha se ka marrë flakë bombola e gazit rreth orës 8 të mëngjesit. Teksa banorët thanë se prindërit e kësaj familje mblidhnin kanaçe me të cilat siguronin bukën e gojës.
Banorët thanë se fëmija që ka shpëtuar 4 vjeç, ka qenë jashtë barakes, ndërsa fëmija që humbi jetën ka qenë në gjumë momentin që ra zjarri.
Nëna e fëmijëve ka thënë se zjarrfikësja vonoi dy orë për të ardhur, teksa është dëgjuar thirrja pikëlluese e saj: Nuk mund të shpëtonin vajzën time. Ngjarja ndodhi sot rreth orës 08:35 në lagjen Shpat të fshatit Babrru, në periferi të Tiranës.
