Gjykata e Shkallës së Parë për Krimet e Rënda ka pranuar pjesërisht kërkesën e avokatit mbrojtës të Denis Shtrazës, i cili kundërshton zgjatjen e afatit hetimor me dy muaj të tjerë nga ana e Prokurorisë.
Krimet e Rënda ka vendosur që ta shkurtojë këtë afat, duke e çuar në 1 muaj e 15 ditë. Avokati Alban Qafa paraqiti kundërshtinë e tij pasi kanë kaluar mbi 9 muaj nga hetimet, duke theksuar se Prokuroria ka pasur kohën e nevojshme për kryerjen e veprimeve hetimore.
Denis Shtraza u arrestua nga policia, si autor i dyshuar i rrëmbimit dhe ekzekutimit mafioz të Gazment Çollakut, ngjarje e ndodhur më 6 janar të këtij viti.
Çollaku u gjet i vrarë me armë zjarri një ditë më pas në fshatin Murqin, Krujë, i hedhur në rrugë dhe me gjymtyrë të lidhura.
33-vjeçari Shtraza i dyshuar si anëtar i një grupi kriminal që operon në zonën e Lushnjës dhe të Tiranës u prangos në Rinas ndërsa po tentonte të largohej nga vendi.
Denis Shtrazës, mik i Emiljano Shullazit.
