Një gjumë i mirë gjatë natës është i lidhur me mënyrën sesi e organizoni mbrëmjen tuaj. Ja 7 gjëra që nuk duhet të bëni para se të flini:
1-Mos përdorni asnjë lloj teknologjie dixhitale, si telefona apo TV.
2-Mos merrni ilaçe që ju ndihmojnë për të fjetur, përveç rastit kur jeni diagnostikuar me pagjumësi.
3-Mos pini alkool.
4-Mos punoni në shtrat apo në dhomën e gjumit. Ekspertët ju këshillojnë t’i ruani dhomat e gjumit ekskluzivisht për të fjetur dhe për seks.
5-Mos konsumoni kafeinë pas orës 5 të pasdites.
6-Mos hani ushqime që përmbajnë yndyrna.
7-Mos bëni ushtrime
Kuriozitete dhe fakte për gjumin
Duke marrë parasysh të gjitha funksionet tona psikologjike, nuk është e çuditshme që njeriu një të tretën e jetës e kalon duke fjetur.
1-Nëse pa ushqim mund të jetosh deri në tre javë, pasi kalojnë 11 ditë pa gjumë njeriu do të flejë për të mos u zgjuar më asnjëherë.
2-Pothuajse 50 për qind e popullsisë fle më pak se shtatë orë në ditë, prandaj mungesa e gjumit gjatë dekadave është shndërruar në problem shoqëror pasi sjell jo vetëm shqetësime në të menduar por edhe sëmundje të rënda kronike.
3-Rreth 35% e grave në menopauzë kalojnë periudha pagjumësie, që në disa raste janë shumë serioze.
4-Pagjumësia nuk është sëmundje, por është simptomë e cila mund të zgjasë për një kohë të shkurtër apo të jetë në ndikim për kohë të gjatë.
5-10 – 26% të njerëzve vuajnë prej pagjumësisë kalimtare, 7 – 20% të njerëzve vuajnë prej pagjumësisë kronike.
6-Disa nga liderët më të mëdhenj të botës, nga Napoleon Bonaparti, Çurçilli, Klintoni apo Teçeri, flinin maksimumi 6 orë në 24. Një tjetër personalitet ka qenë Leonardo da Vinçi, i cili nuk flinte kurrë më shumë se pesë orë në ditë.
7-Rekordi i gjumit më të gjatë është 18 ditë, 21 orë, dhe 40 minuta. Pas arritjes se rekordit, mbajtësi i tij ka patur halucinacione, paranoja, humbje të përqendrimit dhe të memories.
