Pavarësisht mendimeve të tyre rreth Donald Trump, i cili fitoi zgjedhjet presidenciale në SHBA, presidenti Barack Obama dhe Zonja e Parë Michelle, kanë qenë të kujdesshëm gjatë takimit më presidentin e ri dhe Zonjën e Parë, Donald dhe Melania Trump në Shtëpinë e Bardhë të enjten.
Demokratja Hillary Clinton në fjalimin e saj pas humbjes së garës të mërkurën në mëngjes, u shfaq me një veshje të zezë, të kombinuar me ngjyrë lejla të punuar nga Ralph Lauren derisa u kërkoi amerikanëve që të bashkohen.
Edhe Michelle Obama vazhdoi të dërgojë sinjale subkoshiente derisa zgjodhi një fustan ngjyrë lejla me një vijë ngjyrë portokalli nga Narciso Rodriguez në takimin e saj me Melania Trump.
Ngjyra e veshjes së saj konsiderohet si ngjyrë e bukur diplomatike.
Kjo ishte hera e dytë që Michelle kishte veshur fustan nga Rodriguez këtë javë, pas asaj në fjalën përfundimtare të zonjës Clinton në Filadelfia, shkruan New York Times, përcjell Bota Sot.
Rodriguez ishte edhe projektuesi i veshjes kuq e zi që zonja Obama e kishte veshur, kur burri i saj mbajti fjalimin e tij të fitores në Çikago në vitin 2008.
Diçka e kundërt ishte, jo çuditërisht, nga zonja e re e Shtëpisë së Bardhë, Melania Trump. Për vizitën në Uashington të enjten, ajo kishte veshur një fustan pa mëngë ngjyrë të zezë, një pallto dhe taka të larta nga Christian Louboutin.
Deri tani, siç ishte rasti gjatë gjithë fushatës, asnjë markë nuk ka komentuar lidhur me planet e zonjës Trump për veshjen, pasi me shumë gjasë ajo rrobat i blen vet, në vend se të punojë me ndonjë stilist apo markë.
Nuk dihet nëse kjo do të ndryshojë kur ajo të marrë rolin e saj të ri në Shtëpinë e Bardhë. Në ndërkohë, fakti që ajo ka veshur ngjyrën e zezë në takimin e parë, i ka irrituar shumë njerëz.
“Melania Trump kishte veshur një fustan të zi zymtë në Shtëpinë e Bardhë”, komentoi Yahoo News.
Ndoshta është shumë herët për të gjykuar nëse zonja Trump mendon për rrobat e saj në drejtim të komunikimit, kështu që gjithçka mbetet për tu parë.
Zonja Obama ka treguar gjatë tetë viteve të fundit – dhe këtë e përsëriti edhe të enjten, se një gardërobë mund të jetë një platformë e fuqishme për një zonjë të parë, duke i bërë pikë asaj pa pasur nevojë që ajo të flas asnjë fjalë./bs/
