Një rast skandaloz ka ndodhur në doganën e Shkodrës ku një punonjës i saj ka nxjerr pistoletën në mes të turmës duke kanosur shitësin e duhanit.
Doganat zbarkuan në lagjen Rus të shkodrës për të sekuestruar duhanin e prodhuar nga fermerët e Shkodrës. Ata u përballën me rezistencën e shitësve të cilët tentuan të rimerrnin sasinë e duhanit që punonjësit e doganave kishin futur në makinën e tyre. Në këtë kohë, një punonjës i doganave nxjerr pistoletën në mes të turmës dhe i kërcënon shitësit. Ky veprim shkaktoi irritimin e shitësve të cilët nisën të qëllonin me pakot e duhanit e sende të tjera punonjësit e doganave, derisa i detyruan të largohen. Nxjerrja e armës nga punonjës të institucioneve shtetërore në grumbullime qytetatarësh është shkelje e ligjit dhe një akt skandaloz. Ligji për përdorimin e armëve sanksionon përdorimin e tyre vetëm në rast të cënimit të jetës. Për të njëjtën arsye, në Kukës pati penalizime ndaj një punonjësi të policisë. /Lapsi.al