Zjarrfikësi që u erdhi në ndihmë të plagosurve, Gramoz Fejzo, ka deklaruar se momenti i shpërthimit në rafinerinë e naftës në Ballsh ka ndodhur gjatë kohës kur po ndërrohej turni. Edhe vet ai ka ngelur i lëndur nga shpërthimi. Fejzo rrëfen momentet e vështira me të cilat u përball gjatë operacionit të ndërhyrjes për ndihmë.
“Shpërthimi në momentin që ndërroheshin turnet. Unë isha i pari që ju erdha në ndihmë. Shpërtheu bombola e hidrogjenit. Në momentin që ndodhi shpërthimi ishin 6 veta”, pohoi zjarrfikësi. Ndërkohë, drejtoresha e spitalit të Fierit, Brunilda Çami bëri me dije se në spital u paraqitën 5 të plagosur.
“Në spitalin e Fier u paraqitën 5 të plagosur. 4 u dërguan në repartin e djegieve në Tiranë. një zjarrfikës u largua nga spitali pasi mori mjekimin”, tha Çami.
Shpërthimi masiv ka ndodhur mbrëmjen e djeshme në uzinën e përpunimit të naftës në Ballsh rreth orës 21:30, ndërsa 1 person ka humbur jetën dhe 5 të tjerë janë plagosur. Ngjarja ndodhi në repartin nr 3, ne seksionin 92, të uzinës ku shpërtheu një valvule të pompës së hidrogjenit e shoqëruar me flakë te mëdha.
Nga shpërthimi ka humbur jetën Shkëlqim Muça, 40 vjeç nga Ballshi,si dhe uu plagosen 5 te tjere.
Burime nga Spitali i Djegieve bënë me dije se 4 të plagosurit janë në reaminacion, dy prej të cilëve në gjendje më të rëndë.
vijon
