Kreu i Bashkisë së Mallakastrës, Agron Kapllanaj ka dhënë detaje të reja nga shpërthimi në Ballsh.
Ai tha se ka plasur një valvul hidrogjeni fillimisht duke shkaktuar këtë tragjedi. Kapllanaj tha se ka qenë pikërisht një valvul, rubinetin e të cilës e ka hapur kryeministri Edi Rama.
Ai tha se nga shpërthimi fatkeqësisht ka humbur jetën një punëtor, ndërsa 4 të tjerë janë plagosur.
Kapllanaj tha se zjarrfikësit kanë mundur të neutralizojnë flakët dhe se nuk ka rrezik për ndonjë shpërthim tjetër në uzinë. “Aty ka pasur shumë punëtorë, është reparti i 3-it, aty del nafta”,- sqaroi Kapllanaj.
Sipas informacioneve, ngjarja ndodhi mbrëmjen e së enjtes, 10 nentor 2016, rreth ores 21:30.
Burimet nga policia flasin për 4- 7 persona që kanë mbetur të plagosur nga shpërthimi i naftës që ka ndodhur në repartin e fundit ku del nafta por edhe një viktimë.
Dyshohet se rreth 30 persona kanë qenë brenda repartit ku ndodhi shpërthimi. Të plagosurit janë dërguar në spitalin e Fierit dhe ndodhen në gjëndje të rëndë shëndetësore. Tashmë zjarri është shuar.