“Mos e dhëntë Zoti që Trump të zgjidhet president i SHBA”. Lidhur me këtë deklaratë të Edi Ramës ndaj Donald Trump, akademiku Artan Fuga i ftuar në emisionin “Debati në Channel One” të gazetarit Roland Qafoku, nuk beson se Trump do tregojë inate personale ndaj Ramës, por e cilësoi deklaratën e Ramës si një gafë të madhe.
Madje Fuga tha se edhe sqarimi i djeshëm i Ramës për deklaratën e bërë gjatë fushatës ishte një gafë më e rëndë se gafa e parë. “Tjetër gjë është të gabosh me fjalë dhe tjetër gjë është gabosh me veprime”, tha Fuga.
Fuga dha tre arsye përse Donald Trump u zgjodh president i SHBA¬së. E para është se si gjithmonë në jetën e tij edhe në këtë garë Trump u tregua pragmatist. Ai kishte treguar gjatë jetës së vete aftësi si menaxher, nuk ka treguar racizëm në punë.
Ky njeri kishte treguar se çfarë është puna. Madje duke treguar edhe humanizëm. Së dyti e gjithë kundërvënia ndaj tij e një kaste politike u kthye në të kundërt dhe në favor të Trump sepse populli amerikan nuk e pranoi dhe e treta e gjithë media kundër tij dështoi duke futur këtu edhe sondazhet.
