Petrit Çakraj, tropojani i cili ka qenë një nga dëshmitarët kryesorë në çështjen për vrasjen e Azem Hajdarit, është ekstraduar në Shqipëri. 46-vjeçari është ekstraduar nga Gjermania.
Për Petrit Çakraj në 8 korrik 2015 Gjykata e Kurbinit ka caktuar masën e sigurisë “Arrest me burg”, për kryerjen e veprës penale “Vjedhje me dhunë”.
Në 3 korrik të 2015 në aksin rrugor Laç – Fushë-Krujë, 46-vjeçari i është prezantuar dy shtetasve kosovarë si punonjës policie dhe i ka marrë shtetasit Sh.L, sasinë prej 9200 Euro, të cilat i mbanin në çantë, raporton tv Klan.
Por 46-vjeçar është një emër i njohur për policinë. Në 24 dhjetor të 2014 policia e Tropojës është përplasur me armë me të.
Ngjarja ndodhi në fshatin Llukaj te Tropojës. Shkëmbimi i zjarrit nisi sapo 46-vjeçari pikasi, se ne drejtim të banesës se tij, ishin nisur efektivët e policisë.
Pasi ka qëlluar me armë ndaj uniformave blu u largua drejt zonave malore. Petrit Çakraj është arrestuar dhe i liruar nga Gjykata disa herë.