Është mbajtur sot ceremonia vjetore e ndarjes së çmimeve për gazetarët shqiptar nga “Unioni i Gazetarëve Shqiptarë”.
Në këtë aktivitet, Kryetari i Kuvendit i dorëzoi çmimin e “Karrierës” gazetarit Ahmet Shqarri, ndërsa investigimi mbi historinë tragjike dhe vrasjen e Ardit Gjoklajt përmes emisionit “Kodrina e Vdekjes” ka marrë çmimin “Raportimi më i mirë i vitit 2016”, duke vlerësuar kështu regjisorin Artan Rama dhe gazetarët Endrit Habilaj dhe Evi Veliu, që nëpërmjet këtij investigimi zgjuan interesimin dhe reagimin e publikut.
Raportimi i tyre investigativ sfidoi akte censurimi dhe inicioi debat për lirinë e raportimit në vend.
Emisioni u censurua në televizionin ku ishte programuar, por u shfaq në You Tube, Facebook dhe Opinion në TV Klan, ndërsa u pasua me reagime të shumta nga opinioni publik.
Pjesë e takimit të sotëm ishin edhe përfaqësues të unionit të gazetarëve nga qytetet si Elbasani, Fieri, Gjirokastra dhe Shkodra.