Pas mbledhjes së grupit parlamentar demokrat, kryetari i kësaj partie Lulzim Basha në një deklaratë për mediat është shprehur se ka vlerësuar progres raportin për Shqipërinë, por vuri ne dukje se do të jetë Partia Demokratike që pas zgjedhjeve të ardhshme do të hapë negociatat me Bashkimin Europian.
“Hapja e negociatave do të jetë fillimi i një rruge të gjatë e të vështirë por të sigurtë e të pakthyeshme të vendit tonë. Sot ka një dritë shprese për gjithë shqiptarët që e duan Shqipërinë si gjithë Europa. Sfida mbetet ajo e zgjedhjeve të lira e të ndershme. Sfidë po kaq e madhe, mbetet lufta kundër krimit, korrupsionit, fusha që Shqipëria nuk ka bërë para. Dua të siguroj qytetarët se PD, do të jetë po kështu partia që do të hapë negociatat me BE, do të nisë këtë proces për ëndrrën tonë europaine dhe përmes bashkimit të të gjithë shqiptarëve që duan një qeveri të kontrolluar nga qytetarët dhe jo nga krimi, ne do ia dalim”, tha Basha
