Policia ka prezantuar sot uniformat e reja para ministrisë së Brendshme.
Kryeministri Edi Rama e nisi fjalimin e tij në ceremoninë e përurimit të uniformave të reja në policinë e shtetit me një falënderim për presidentin turk Rexhep Taip Erdogan.
“Që në fillim dua të falenderoj qeverinë e Turqisë dhe në veçanti presidentin Erdogan për mbështetjen që na kanë dhënë në këtë projekt”- tha Rama, duke habitur shumëkënd.
Por edhe ministri Saimir Tahiri falenderoi ”partnerët tanë turq” që pas tre vitesh u përfundua ky “projekt i rëndësishëm”.
Rama është akuzuar së fundmi nga Greqia se po bën lojën e Turqisë në Ballkan.
