Sherri mes dy adoleshentëve për pak sa nuk ka përfunduar në tragjedi në Mallakastër. Një 17-vjeçar është arrestuar nga policia e Mallakastrës pasi ka sulmuar me thikë një bashkëmoshatar.
I riu me inicialet M.B ka tentuar të vrasë duke e goditur disa herë më thikë 17-vjeçarin RR.A.
Autori i kësaj ngjarje, ishte përjashtuar nga shkolla… Por si një i ri problematik, ai rinte tek dera e shkollës dhe 17-vjeçari RR.A. i kishte kërkuar të mos rrinte aty, pasi i ngacmonte të motrën.
Pas një konflikti me fjalë ata janë përballur në një nga rrugët e qytetit, ku 17-vjeçari M.B e ka qëlluar disa herë me thikë.
I plagosuri fatmirësisht është jashtë rrezikut për jetën në spitalin rajonal të Fierit.
NJOFTIMI I POLICISË
Mallakastër!
Tenton të vras me thikë bashkëmoshatarin e vet, arrestohet në flagrancë nga policia.
Specialistët për Hetimin e Krimeve të Rënda në Drejtorinë Vendore të Policisë Fier, arrestuan në flagrancë shtetasin:
-M.B, 17 vjeç, banues në Mallakastër.
Arrestimi i shtetasit të mësipërm u bë për veprën penale “Vrasje e mbetur në tentativë”, pasi më datën 03.11.2016, në Mallakastër, ka tentuar të vrasë me thikë duke e goditur disa herë shtetasin Rr.A, 17 vjeç, pas një grindje që kanë pasur për motive të dobëta.
Shtetasi Rr.A aktualisht ndodhet në Spitalin Rajonal Fier jashtë rrezikut për jetën.
