Rikthehen atentatet me lëndë eksplozive. Babai i njërit prej bashkëpunëtorëve të dyshuar për vrasjen e Aleksandër Bardhit, Albi Xhezairit që është në kërkim, i është vendosur një sasi lënde plasëse në mjet.
Ka qenë vetw 53-vjeçari, Agron Xhezairi, që ka konstatuar dy tela të lidhur me një aparat celular në sediljen e pasme të makinës.
Ai ka njoftuar menjëherë policinë e Sarandës.
Sasia e lëndës plasëse u çaktivizua nga forcat xheniere.
Blutë e Sarandës po punojnë për identifikimin dhe kapjen e autorit të vendosjes së lëndës eksplozive.
Aleksandër Bardhi, vëllai i ish-kryekomunarit të Kaçinarit në Mirditë, u ekzekutua me 24 shtator 2016.
Policia arrestoi dy prej autorëve të dyshuar për vrasjen, ndërsa i treti vijon të jetë në kërkim.
