Me afrimin e zgjedhjeve të reja parlamentare edhe në Partinë Demokratike kanë nisur të lëvizin ata persona që kërkojnë të përfitojnë nga partia opozitare duke u dukur vetëm në fushata.
Ata kanë nisur që tani me servilizma ndaj kryetarit të PD-së apo ndere për lista e kandidim duke dërguar mesazhe të Lulzim Basha. Në këtë kënvdështrim, ish-deputeti demokrat Lefter Maliqi ka bërë një shënim të fortë kundër servilëve në PD. Më poshtë shënimi i plotë i Maliqit.
Nga Lefter Maliqi
Njoftim dhe thirrje e sinqertë.
Të dashur miq, demokratë dhe mbështetës, ditën e Enjte me dt 3 ora 16 Kryetari z.Lulzim Basha do të zhvilloj takim me strukturat e degës së PD-së Kuçovë në orën 16 tek kinemaja dhe në orën 17 e 30 me strukturat e PD dega Urë Vajgurore në qendër të urës tek lokali 2-katësh pranë bankës. Shpresoj dhe besoj që ky takim të jetë i fundit në ambiente të mbyllura për ti paraprirë takimeve të mëdha në çdo lagje,fshat e qytet pasi zgjedhjet janë shumë afër,koha nuk pret.
Mos u ndikoni nga ndërhyrjet e drejtuesve apo politikanëve, të qendrës apo bazës, joshjet, sms-të që të flisni mirë për askënd, sepse e dimë që disa politikanë, drejtues, deputetë duken vetëm para Kryetarit dhe vetëm në fushata dhe jo çdo ditë, javë, muaj pranë jush. Nëse mendoni që fitorja është e përbashkët po ashtu dhe dështimi,nëse doni fitoren e z.Basha dhe i doni të mirën flisni me përgjegjësi jashtë çdo ndikimi, si mund të përmirësojmë situatën,si të punojmë,si të jemi bashkë,si të fusim frymën e fitores, si te përfaqësohemi, si të mposhtim frikën te ngrihemi në sheshe etj. Mos harroni në 2013 morëm si koalicion 23.000 vota ndërsa të majtët mbi 67.000 kur ishim në pushtet,kur kishim dhe 7 komuna të djathta në qark. Po tani që s’kemi pushtet, që s’kemi asnjë në punë as në pushtetin lokal ku të 5 bashkitë i fitoi e majta? Nëse kemi kurajo mund të shkojmë mbi 30.000 vota në të kundër do jemi më dobët se 2013 me 15.16,apo 17000 vota dhe dështimi e humbja do ishte e përbashkët dhe e paimagjinueshme për reflektim. Humbja në zgjedhjet lokale quhet humbje jo fitore si e quajnë disa,si mund të quhet fitore kur kandidatët tanë humbën nga 2700 deri në 5000 vota secili si emër dhe nga 4000 deri në 10.000 vota si subjekt në çdo bashki?? Të dashur miq flisni me përgjegjësi pa ndikime se në rast dështimi analizat janë sa për të kaluar radhën, humbja është e dhimbshme.
Kemi përpara shtetin, krimin, drogën, trafiqet, bandat te cilat po të jemi te vendosur i mposhtim. Boll më me sms, ndërhyrje, joshje e korruptime nga të paaftë e servila tek Kryetari, pasi dëmtojmë veten, partinë dhe Kryetarin. Po të jemi bashkë ska kala që se marrim, s’ka betejë që se fitojmë, s’ka qeveri që s’e rrezojmë. Fitore.
