Banorët e fshatit Mbyet në Fieri janë përplasur fizikisht me forcat e policisë së rendit.
Banorët kanë protestuar kundër ndërtimit të fabrikës së përpunimit të mbetjeve në këtë zone, ndërsa policia nuk i ka lejuar.
Banorët u shprehën se “nëse do të ndërtohej një park lojërash apo lulishte do ta falja vetë tokën, por jo të sillen helme”.
Banorët i kërkojnë qeverisë dhe bashkisë së Fierit, të anulojë koncesionin për ndërtimin e fabrikës së përpunimit të mbetjeve, siç thonë ata fare pranë banesave të tyre.
Gjatë protestës banorët janë përleshur edhe me kryeplakun e fshatit, të cilin e akuzojnë se ka firmosur për pranimin e ndërtimit të këtij impianti në këtë zonë.
