Lëvizja Socialiste për Integrim duket se ka vendosur ta marrë seriozisht kërkesën e Presidentit Nishani për rishqyrtimin e ligjit për importin e mbetjeve në Kuvend.
Luan Rama thotë për Abc News se duhet votuar sipas interesit qytetar, por shmang përgjigjen direkte nëse janë që populli të vendosë vetë me referendum për këtë çështje.
Pas rikthimit të tij në Kuvend nga presidenti i Republikës, forca politike e Metës thotë se do ta lexojë me seriozitet arsyetimin e kreut të shtetit në dekret. Luan Rama theksin e vë tek interesi qytetar.
Por a ka vend për referendum sipas LSI-së? Funksionari nuk pohon e as nuk mohon, por thekson se të përqendruara janë në fazën e aktuale të shqyrtimit të dekretit të presidentit.
Në kalendarin e punimeve të Kuvendit krahas dekretit të presidentit për rishqyrtimin e ligjit është edhe kërkesa e Partisë Demokratike për ta çuar çështjen në referendum. Vendimin nga populli e mirëpret edhe presidenti Nishani i cili para tre vitesh e ka miratuar një datë për një referendum të tillë. Por kryeministri Rama ka deklaruar se çështja nuk do shkojë për votë direkte tek qytetarët.
