Partia për Drejtësi, Integrim dhe Unitet ka mbledhur sot Këshillin Kombëtar ku janë zgjedhur strukturat e reja drejtuese të kësaj partie dhe është prezantuar strategjia për zgjedhjet e ardhshme parlamentare.
Mesila Doda është zgjedhur sekretare e përgjithshme e PDIU, ndërsa Halil Hyseni dhe Abaz Hado janë zgjedhur në postin e nënkryetarit të kësaj partie.
Një vit më parë Mesila Doda shpalli ndarjen e saj përfundimtare nga Partia Demokratike, deputete e të cilës ishte prej shumë vitesh, për t’ju bashkuar grupit parlamentar të Partisë për Drejtësi, Integrim dhe Unitet.
