Kandidati në garën për kreun e Lëvizjes Socialiste për Integrim, Shezai Rrokaj tha përpara anëtarëve të Komiteti Drejtues Kombëtar, se LSI synon të fitojë e vetme zgjedhjet.
Në një deklaratë që pa frikë mund të quhet deliruese, Rrokaj theksoi se synimi nuk është fitorja në koalicion, por si parti e vetme.
“Ne nuk synojmë të fitojmë në koalicion, ne synojmë të fitojmë vetëm. Një forcë politike që nuk e synon vetëm marrjen e pushtetit, ajo nuk është një forcë politike serioze. LSI-ja është një forcë politike serioze dhe ajo synon ta marrë pushtetin e vetme. Duhet të besojmë, duhet ta duam dhe do të fitojmë”, tha Rrokaj.
