Avokati mbrojtës i ish-kryebashkiakut të Dibrës, Shukri Xhelili u tërhoq nga kërkesa e tij për ta liruar atë.
Në seancën e radhës, në të cilin mbrojtja kërkonte ndyrshimin e masës së sigurisë “arrest me burg” për Xhelilin, avokati i ish-kryebashkiakut, Genc Gjokutaj, tha se nuk e shikon të arsyeshme të vijojë me të njëjtin pretendim. Pa dhënë shpjegime të tjera, avokati i tha gjykatës se kjo është një strategji e tij si mbrojtës. Gjykata e pushoi gjykimin pasi nuk ka më objekt shqyrtimi.
Javën e ardhshme, Gjykata e Krimeve të Rënda pritet të nisë shqyrtimet për të. Xhelili akuzohet për korrupsion pasiv.
Ish-kryebashkiaku akuzohet se ka kryer veprën penale “korrupsioni pasiv i funksionarëve të lartë shtetërorë ose i të zgjedhurve vendorë”.
