Jeta e disa banorëve në periferi të Tiranës, Yzberisht dhe Kombinat rrezikohet seriozisht nga 2 kabina të tensionit të lartë. Një kabinë e vendosur brenda një ambienti në katin e parë të një pallati të ri në zonën e Yzberishtit e cila paraqet një rrezik të vazhdueshëm për kalimtarët, banorët dhe fëmijët. Dera e kësaj kabine qëndron e hapur gjithë kohën.
Banorë të kësaj zone thonë se kanë njoftuar herë pas here Operatorin e Shpërndarjes së Energjisë Elektrike mbi rrezikshmërinë që paraqet kjo kabinë e tensionit të lartë por dera e këtij institucioni ka qenë e mbyllur. Duke lënë hapur kështu një problem dhe rrezik të madh për jetën e fëmijëve dhe banorëve.
Një situate akoma me dramatike paraqitet në familjen Hoxha në zonën e ish Kombinatit, në njësinë administrative nr 6. Prej mbi dy dekadash kjo familje bashkëjeton me një transformator të linjës 400 volt.
Historia nis kur kryefamiljari dënohet me 5 vjet burg në kohën e regjimit komunist për të fituar lirinë në 1992.
Shtëpia e tij ishte kthyer në një kabinë të tensionit të lartë.
Familja Hoxha i është drejtuar në mënyrë të vazhdueshme operatorit të Shpërndarjes së Energjisë elektrike dhe njësisë bashkiake për largimin e këtij transformatori nga banesa e tij për të cilën zotëron edhe certifikatën e pronësisë nga Zyra e Regjistrimit të Pasurive të Paluajtshme në vitin 2006.
“Vetëm ti vë flakën se nuk ka rrugë tjetër” thotë familjari
Përtej premtimit s’ka ndodhur asgjë. Kjo familje vazhdon të jetojë në kushte skandaloze dhe e rrezikuar në çdo moment.
“Kam frikë pa masë, disa herë është plasur dhe më ka djegur mobiljet” thotë familjarja.
Kjo familje pret një zgjidhje nga Operatori i Shpërndarjes së Energjise Elektrike para se flaket të përpinë jetët e tyre./Ora News
https://www.youtube.com/watch?v=ald_cA3coaE
