Shtetet e Bashkuara të Amerikës dhe Gjermania, sikundër është parashikuar në Kushtetutën e re dhe specifikuar në ligjin e vetingut, do të kenë rol të rëndësishëm në skanimin e trefishtë të prokurorëve dhe gjyqtarëve, gjithnjë duke asistuar institucionet e rivlerësimit.
Ekspertët amerikanë dhe gjermanë, kryesisht të drejtësisë penale, por edhe të fushatave të tjera, kanë nisur lëvizjet për hetimin dosjeve, me dokumentacionin dhe të dhënat, për gjyqtarët dhe prokurorët, për ligjshmërinë e pasurive dhe ligjet e papërshtatshme me krimin.
Mbledhja, sistemimi dhe shqyrtimi i provave të mundshme do të bëhet nga një skuadër ekspertësh, e cila asistohet nga një ekip prej 30 asistentësh, raporton “Shqiptarja.com”.
Ekspertët amerikanë do të merren me kontrollin e figurës së gjyqtarëve dhe prokurorëve. Të gjitha dëshmitë, të dhënat nga institucionet shqiptare dhe shërbimet partnere do të kalojnë në dorën e tyre. Vlerësimi i amerikanëve pritet të jenë përcaktues edhe për vendimin e Komisionit të Vlerësimit dhe Kolegjit të Apelimit për fatin e gjyqtarit dhe prokurorit.
Pak ditë më parë, opozita e ka ankimuar në Gjykatën Kushtetuese ligjin e vetingut.
Dokumentet dhe të dhënat në duart e ekspertëve gjermanë dhe amerikanë
-Të dhënat për gjendjen gjyqësore të subjekteve të rivlerësimit.
-Dosjet personale të subjekteve të rivlerësimit.
-Informacioni i ardhur nga DSIK.
-Informacioni i ardhur nga Pastrimit i Parave.
-Informacioni i grumbulluar nga shërbimet partnere.
-Të dhënat statistikore, dokumentet ligjore, dosjet e zgjedhura për vlerësim.
-Mendimet e eprorëve, të dhënat mbi trajnimet.
-Ankesat ndaj personave që i nënshtrohen vlerësimit dhe rezultatet e verifikimit.
-Akses në llogaritë bankare, të dhënat tatimore, bazat e të dhënave mbi automjetet,
-Të dhënat për hyrje-daljet në kufi.
-Të dhënat mbi pasuritë e paluajtshme të subjektit të rivlerësimit.
-Instrumente të tilla si kreditë, çeqet e udhëtimit, çeqet bankare, urdhërpagesat.
-Të dhënat mbi marrëdhënie të mundshme biznesi.
-Të dhënat që provojnë ekzistencën e parave fizike.
-Të dhënat që provojnë ekzistencën e trusteve ose marrëveshjeve të tjera të ngjashme.
-Të dhënat mbi të drejta ose interesa pasurorë të çdo lloji mbi një aset.
-Informacionin e bankave mbi depozitat, llogaritë dhe transaksionet e kryera.
