Prindërit nisen nga ideja se ajri i bllokuar në zgavrën e barkut çon në dhimbje dhe parehati. Simptomat e dhimbjes së barkut përfshijnë të qara, sjellje tekanjoze apo në rastet më të rënda, të vjella dhe temperaturë.
Dhimbja e barkut tek foshnjat shpesh mund të përkufizohet si e pashpjegueshme. Zakonisht, në të tilla raste ata qajnë më shumë se zakonisht dhe kjo ndodh edhe tre herë në javë. Ky është një problem i hasur në 5-25 përqind të foshnjave, zakonisht kur ata janë 4-6 muajsh.
Ngërçin këtu e shkakton koliti, që është shqetësues jo vetëm për fëmijën, por edhe për prindërit. Prindërit e foshnjave me kolit mund të vuajnë nga stresi, problemet e ushqyerjes me gji apo edhe depresioni pas lindjes.
Duke marrë parasysh moshën e foshnjave, normalisht atyre nuk mund t’u përdorësh asnjë lloj ilaçi mjekësor, shkruan Shije. Ndaj, për të mos vuajtur më me këtë pjesë shqetësuese dhe problematike për të dy palët, ju sugjerojmë një mënyrë të thjeshtë që e ndihmon fëmijën tuaj.
Banjo e ngrohtë
Bëjini fëmijës tuaj një dush të ngrohtë gjatë kohës kur keni vërejtur tek ai të gjitha shenjat e lartpërmendura që tregojnë se ka probleme me kolitin.
Mbushni vaskën e foshnjës me ujë të ngrohtë. Shtoni në të disa pika vaj livandoje. Lëreni atë në ujë dhe masazhojeni lehtësisht në zonën e barkut në mënyrë që t’i lehtësoni dhimbjet. Nxirreni nga vaska dhe thajeni me një peshqir të butë dhe më pas ndihmojeni atë për të fjetur.
Kjo do ta nxisë foshnjën tuaj të dalë jashtë dhe të mos ketë probleme të herëpashershme me kolitin.
Prindër, ja çfarë duhet të bëni kur foshnja ka dhimje barku
Lajme të lidhura
TË GJITHA
