Përmbytje në Qarkun e Lezhës, por edhe mungesë të energjisë në disa zona malore të vendit, kjo është situata pas reshjeve të dendura.
OSHEE bënë me dije se po ndjek me përparësi furnizimin me energji elektrike në gjithë vendin, ndërsa në gatishmëri në terren janë 1200 punonjës.
Nga monitorimi i situatës së deritanishme, probleme me dritat evidentohen në zonat rurale, sidomos ato malore. Po ashtu, OSHEE bënë me dije se të gjitha spitalet dhe institucionet e rëndësisë së veçantë furnizohen me energji, sikurse të gjitha stacionet dhe linjat e të sisionit të lartë janë në funksion të plotë.
Aktualisht rajonet më të prekura nga defektet është rajoni i Tiranës (fshatrat perreth), ashtu si Shkodra dhe Burreli. Defektet kanë ardhur për shkak të motit të keq që ka përfshirë vendin gjatë natës së mbrëmshme e në vazhdim.
Fiderat e stakuar në avari janë kryesisht fidera që furnizojnë zona rurale, kjo paraqet vështirësi në riparimin në një kohe sa më të shpejtë të defekteve. Gjithashtu grupet e terrenit te OSHEE-se në të gjitha rajonet janë në terren për eliminimin e avarive te mbetura dhe për kthimin e situatës në normalitet të plotë.
